O Ministerio de Transportes, Mobilidade e Axenda Urbana publicou a resolución provisional da convocatoria de 2022 para realizar cursos de formación para a capacitación dixital e sustentabilidade no ámbito do transporte e a Mobilidade, que ten como beneficiarias a universidades. Estas axudas están concebidas co obxectivo de promocionar a oferta formativa de cursos dirixidos a estudantes, desempregados e profesionais que xa traballen no sector ou queiran dedicarse ó mesmo. En total, o Ministerio concedeu provisionalmente 6 millóns de euros en axudas dos fondos europeos NextGenerationEU a 18 centros universitarios españois, repartidos pola xeografía española, para impartir ata 79 accións formativas diferentes nun total de 281 edicións. Entre os centros universitarios encóntrase a Universidade de Vigo, a cal obtivo 420.900 €. Estas accións formativas terán un mínimo de 15 créditos ECTS (Sistema Europeo de Transferencia e Acumulación de Créditos), o que equivale a 375 horas de formación. Nalgúns casos estes cursos superan os 20, 30 e incluso os 60 créditos. Das 79 accións formativas, 24 teñen modalidade a distancia, 43 modalidade mixta e 12 son de carácter presencial. Na súa totalidade, todos estes cursos suman 9.000 plazas ofertadas. O obxectivo desta convocatoria, enmarcada no componente 19 do PRTR, é formar a 3.945 alumnos antes do 30 de xuño de 2025.