A Consellería do Medio Rural publicou o 10 de febreiro de 2025, a través da Dirección Xeral de Planificación e ordenación forestal, a resolución de concesión da convocatoria do 2024 das axudas destinadas ao impulso da boa gobernanza nas entidades de xestión dos montes veciñais en man común e dos montes de varas, abertais, de voces, de vocerío ou de fabeo (Código de procedemento MR651C).

Segundo a convocatoria publicada o 16 de xaneiro de 2024, cuxo prazo de presentación de solicitudes finalizou o 1 de marzo de 2024, o orzamento máximo establécese en 2.376.000 €. Seleccionáronse 503 beneficiarios, sendo o importe total concedido de 2.307.308€ (un 99,98 % do total orzamentado).