A Iniciativa Estratéxica de Compra Pública de Innovación (IECPI) de INCIBE ten como obxectivo desenvolver solucións e servizos con alto valor de innovación, en termos de ciberseguridade, fortalecemento de capacidades e promoción do talento. Este modelo de desenvolvemento industrial consolidouse como un instrumento moi útil para impulsar a innovación e a competitividade dende a administración pública, xerando solucións a problemas e necesidades previamente detectados, e que actualmente non existen no mercado. Así, utiliza a demanda pública de produtos, servizos e subministros como un instrumento para canalizar as políticas públicas e facilitalas ás entidades compradoras. O IECPI do INCIBE está dotado cun orzamento global de 224 millóns de euros e enmárcase no Compoñente 15, Investimento 7: “Ciberseguridade: Fortalecemento das capacidades dos cidadáns, pemes e profesionais; e Fomento do ecosistema sectorial” do Plan de Recuperación, Transformación e Resiliencia. O Instituto Nacional de Ciberseguridade (INCIBE), entidade dependente do Ministerio para a Transformación Dixital e Servizo Público, decidiu en 2021 explorar as posibilidades que podería ter a contratación pública estratéxica para desenvolver políticas nacionais de ciberseguridade, ao tempo que a entidade conseguía executar o seu mandato relacionado coa innovación e a industria. O IECPI é froito da reflexión realizada sobre a materia e do seu consenso con outros axentes públicos do ecosistema da ciberseguridade e ten como obxectivo levar a cabo un conxunto de accións dirixidas ao fomento da I+D+i e á creación de produtos e solucións no ámbito da ciberseguridade. O pasado 8 de febreiro de 2024 o INCIBE publicou as bases da 4ª convocatoria da súa Iniciativa Estratéxica de Compra Pública Innovadora (IECPI). Ata a data, adxudicáronse 150,5 millóns de euros a un total de 82 empresas para o desenvolvemento de 142 proxectos diferentes en tres convocatorias tal e como se recolle no Mapa de Compras. A primeira convocatoria adxudicou 26.451.789,36 euros a 8 contratistas e 13 proxectos que se executarán dende xullo de 2023 a xuño de 2026. A segunda convocatoria adxudicou 74.462.187,97 € a 53 contratistas e 86 proxectos que se executarán de xuño de 2023 a xuño de 2026. A terceira convocatoria adxudicou 49.609, 753,52 € a 38 contratistas e 46 proxectos que deberán executarse dende setembro de 2023 ata xuño de 2026. Esta nova CPI está dotada cun orzamento total de 48 millóns de euros, derivados do orzamento non adxudicado nas tres convocatorias anteriores. O prazo de presentación de ofertas permanecerá aberto ata o 11 de marzo de 2024 ás 14.00 horas.

Os datos dos beneficiarios/proxectos galegos pódense consultar no seguinte cadro: