A vicepresidente do Goberno e ministra de Transición Ecolóxica e Reto Demográfico, presentou este mércores a primeira actuación de eficiencia enerxética para solicitar a expedición dun Certificado de Aforro Enerxético (CAE) no noso país, que ten como protagonista ao emblemático Teatro Real de Madrid. Tamén é a primeira acción singular –non normalizada segundo o Catálogo existente– que consegue xerar CAE. Enmarcada no Plan de transición enerxética na Administración Xeral do Estado (AGE), que busca converter a Administración nun exemplo a seguir en materia de descarbonización, a rehabilitación enerxética que converterá o Teatro Real nun edificio net zero financiarase con 5,3 millóns de euros do Plan de Recuperación, Transformación e Resiliencia. En conxunto, as melloras de eficiencia conseguirán un aforro de 963.159 kWh anuais, reducindo nun 48% o consumo enerxético do edificio.