A secretaria de Estado de Enerxía, Sara Aagesen, visitou este xoves Navarra onde reivindicou o papel da cidadanía e das administracións locais como axentes transformadores do sistema a través dunha figura clave: as comunidades enerxéticas. Aagesen reuniuse cos equipos técnicos das dúas primeiras Oficinas de Transformación Comunitaria (OTC) que se porán en marcha en Navarra para facilitar a creación de novas comunidades, grazas á liña de axudas CE OFICINAS do Instituto para a Diversificación e Aforro Enerxético (IDAE), dependente do Ministerio para a Transición Ecolóxica e o Reto Demográfico (MITECO). Estas dúas primeiras oficinas de promoción e dinamización das comunidades enerxéticas de Navarra están promovidas pola Deputación de Navarra e o Concello de Pamplona, respectivamente. O obxectivo deste programa IDAE financiado con fondos NextGenEU del Plan de Recuperación, Transformación y Resiliencia é apoiar a constitución de novas comunidades enerxéticas de todo tipo (cidadáns, empresariais, industriais, etc.) con medidas de asesoramento e apoio que permitan impulsar esta fórmula cooperativa de produción e consumo de enerxías renovables, que tamén pode incorporar medidas de eficiencia enerxética, xestión da demanda e mobilidade sostible. En total, a convocatoria do programa de axudas ás Oficinas de Transformación Comunitaria (OFICINAS CE) resolveuse coa adxudicación dos 20 millóns de euros previstos para a execución dun total de 79 proxectos repartidos por boa parte do territorio nacional. Entre os beneficiarios hai cinco entidades locales galegas, que obtiveron en conxunto 931.486 €, o que representa un 4,68 % do total concedido.