A Sociedade Española para a Transformación Tecnolóxica, Entidade Pública Empresarial, SETT, adscrita ao Ministerio para a Transformación Dixital e de Función Pública, anunciou o lanzamento próximamente de axudas por valor de 19,5 millóns de €. Estes fondos irán destinados a medios de comunicación españois que queiran desenvolver proxectos de dixitalización e linguas cooficiais.

A iniciativa inscribese no “PERTE Nova Economía da Lingua: Información en español e linguas cooficiais” que ten por obxecto promover o potencial económico do español e das linguas cooficiais impulsando a internacionalización, difusión e expansión do sector dos medios de comunicación en ditas linguas.

O obxectivo consiste en apoiar ás empresas españolas que interveñan no entorno dos medios de comunicación nos seus proxectos de transformación dixital e difusión de contidos, así como na adopción de novas ferramentas tecnolóxicas para a xestión e tratamento de contidos en español e linguas cooficiais.

Próximamente, a SETT dará a coñecer a convocatoria destas axudas a través dos seus canles habituais: páxina web e redes sociais, así como polos cauces de difusión da Administración Pública. Mentres tanto, é posible consultar a memoria da solicitude e documentación complementaria para que as empresas interesadas poidan preparar as súas propostas.