O Ministerio de Asuntos Económicos e Transformación Dixital e o Ministerio de Industria, Comercio e Turismo, a través da Secretaría de Estado de Dixitalización e Intelixencia Artificial e a Fundación EOI, adscrita á Secretaría Xeral de Industria e PEME, contarán con 53 entidades de formación para que impartan en todo o territorio nacional os programas formativos correspondentes á primeira convocatoria de formación dentro do Programa “Xeración Dixital”, que forma parte do PRTR. O obxectivo desta iniciativa é ofrecer un programa de formación e mentorización a persoas de equipos directivos de pemes e ós seus traballadores, así como a mozos desempregados que queiran prepararse para contribuir á transformación dixital das devanditas empresas. A iniciativa de formación de “Xeración D” articúlase a través de dous itinerarios formativos: Xeración D Pemes: Formación e mentorización en transformación dixital para persoas de equipos directivos e cualificación de persoas empregadas en pemes; e, Xeración D Axentes do Cambio: formación e mentorización a mozos desempregados e a traballadores de pemes para ser os expertos que contribuirán ao proceso de dixitalización da peme.

A Fundación EOI é a encargada de xestionar a inversión prevista para esta iniciativa, que na súa primeira convocatoria ascende a 199 millóns de euros (147,5M “Xeración D Pemes” e 51,5 para “Xeración D Axentes do Cambio”), procedentes dos fondos do Plan de Recuperación. Con iso formaranse, nesta primeira convocatoria, a 56.740 persoas de equipos directivos de pemes e a 19.800 axentes do cambio (o 70% dos mozos en desemprego e o 30% de mozos traballadores de pemes).