• ACORDO polo que se aproba a Adenda ao Plan de Recuperación, Transformación e Resiliencia de Apoio á Recuperación e Resiliencia en resposta a desastres naturais.
• Compromisos PRTR (C19, I3). REAL DECRETO polo que se modifica o Real Decreto 876/2024, do 3 de setembro, polo que se regula a concesión directa dunha subvención a Unión Profesional para o desenvolvemento dun programa de formación de competencias dixitais no ámbito dos colexios profesionais, no marco do Plan de Recuperación, Transformación e Resiliencia.

Como ampliación ao punto referido á aprobación da Adenda ao Plan de Recuperación, Transformación e Resiliencia de Apoio á Recuperación e Resiliencia en resposta a desastres naturais indícase o seguinte:

O Consello de Ministros aprobou unha nova Adenda ao Plan de Recuperación, Transformación e Resiliencia, destinada a mellorar a resposta e a resiliencia económica en zonas afectadas pola Dana de outubro de 2024. Esta medida inclúe unha inversión de 1.241 millóns de € de fondos europeos para fortalecer a capacidade de resposta ante desastres naturais e proporcionar ferramentas ao tecido produtivo español. A Adenda financia gastos relacionados con axudas urxentes para a reconstrucción de municipios afectados, céntrase en danos por fenómenos climáticos extremos e na creación de estratexias integradas para protexer contra riscos medioambientais e vulnerabilidades económicas.

As accións divídense en seis bloques principais:

1. Mobilidade e infraestruturas verdes: recuperación de infraestruturas de transporte danadas, incluíndo reparación de liñas ferroviarias e vehículos de cero emisións.
2. Rehabilitación de infraestruturas hídricas e mellora de sistemas de predición meteorolóxica.
3. Prevención de catástrofes naturais mediante satélites de observación para monitorizar emerxencias.
4. Oportunidades de emprego para a reconstrucción e dinamización socioeconómica.
5. Avaliación de programas de apoio á internacionalización de empresas afectadas pola Dana e crise arancelaria.
6. Fortalecemento da resiliencia de sectores produtivos ante crises externas, con financiamento para garantir liquidez e adaptación empresarial.

A data de hoxe aínda non se publicou o Informe da Addenda, polo que quedamos á espera da súa publicación.