O Ministerio de Agricultura, Pesca e Alimentación participa na segunda edición do Simposio Ibérico de Modelización e Avaliación dos Recursos Pesqueiros (SIMERPE2). Este congreso, organizado e liderado polo Instituto Español de Oceanografía (IEO-CSIC), desenvólvese no marco do proxecto Math4Fish. Grazas a un convenio de colaboración entre o ministerio e o CSIC, o proxecto puido ser financiado con fondos da Unión Europea NextGenerationEU, dentro do Plan de Recuperación, Transformación e Resiliencia (PRTR), co fin de impulsar a investigación para a pesca sostible. Neste sentido, lembrou “o compromiso do Ministerio que destinou máis de 14.000.000 de euros dentro do Fondo de Recuperación, Transformación e Resiliencia da UE para apoiar a investigación Pesqueira e acuícola e a formación, dos que 5.750.000 euros foron invertidos no convenio entre o Ministerio e o CSIC a través do IEO para a pesca ambientalmente sostible”.