O Ministerio de Ciencia, Innovación e Universidades (MICIU) publicou a resolución pola que se concede a convocatoria de axudas da Axencia Estatal de Investigación (AEI), que concede 21,2 millóns de euros a 104 proxectos Prueba de Concepto para impulsar o sector industrial da microelectrónica e semicondutores (chips). É a primeira vez que esta axuda contribúe ao Proxecto Estratéxico para a Recuperación e Transformación Económica da Microelectrónica e Semicondutores (PERTE CHIP), que ten como obxectivo reforzar as capacidades de deseño e produción desta industria en España e promover a autonomía estratéxica nacional e autonómica. En canto á distribución das axudas por comunidades autónomas, Cataluña conta con 35 proxectos de Prueba de Concepto aprobados, seguida de Madrid, con 24; Andalucía, con 17; Comunidade Valenciana, con 7; Aragón, con 6; Castela e León, con 3; Navarra, con 3; Cantabria, con 2; Murcia, con 2, e Canarias, Castela-A Mancha, Galicia, Extremadura e País Vasco, todas elas con 1 proxecto concedido, respectivamente. En Galicia, a Universidade de Santiago de Compostela recibirá 165.770 euros.