O Ministerio de Ciencia, Innovación e Universidades (MICIU) lanzou por primeira vez a convocatoria Multipaís , dotada con 40 millóns de € de fondos europeos do Plan de Recuperación, Transformación e Resiliencia para reforzar as capacidades científico-tecnolóxicas das empresas españolas en I+D do sector sanitario e impulsar proxectos innovadores en colaboración con entidades estranxeiras.

Esta convocatoria, xestionada polo Centro de Desenvolvemento e Innovación Tecnolóxica (CDTI) , enmárcase no PERTE para a Saúde de Vangarda.

En concreto, a convocatoria financiará proxectos de I+D para impulsar grandes avances médicos en áreas terapéuticas que contribúan a mellorar a saúde e a calidade asistencial dos pacientes.

Tamén se pretende mellorar a dixitalización e robotización do sector sanitario español, incluíndo os procesos de diagnóstico e tratamento, así como reforzar a autonomía estratéxica da Unión Europea, mediante o desenvolvemento de procesos produtivos innovadores en toda a cadea de subministración.

Así mesmo, esta convocatoria busca contribuír á construción dun ecosistema industrial máis resistente ante posibles crises sanitarias, a nivel nacional e europeo.

A convocatoria financiará proxectos de I+D de empresas españolas que colaboren con estes países:

Albania, Alemania, Arabia Saudí, Argelia, Argentina, Australia, Austria, Bangladesh, Bélgica, Bolivia, Bosnia y Herzegovina, Brasil, Bulgaria, Cabo Verde, Canadá, Camboya, Colombia, Corea del Sur, Costa de Marfil, Costa Rica, Croacia, Cuba, Chile, China, Chipre, República Checa, República Dominicana, Dinamarca, Ecuador, EEUU, Egipto, El Salvador, Emiratos Árabes Unidos, Eslovaquia, Eslovenia, Estonia, Filipinas, Finlandia, Francia, Ghana, Grecia, Guatemala, Holanda, Honduras, Hungría, India, Indonesia, Islandia, Irlanda, Italia, Japón, Jordania, Kuwait, Laos, Letonia, Líbano, Lituania, Luxemburgo, Macedonia del Norte, Malasia, Malta, Marruecos, Mauritania, México, Mónaco, Montenegro, Myanmar, Nicaragua, Noruega, Omán, Panamá ,Paraguay, Perú, Polonia, Portugal, Qatar, Reino Unido, Rumania, San Marino, Senegal, Serbia, Singapur, Sri Lanka, Sudáfrica, Suecia, Suiza, Taiwán, Tailandia, Túnez, Turquía, Uruguay, Venezuela, Vietnam.

O prazo de solicitude estará aberto dende o 20 de xuño de 2024 ata o 17 de xullo de 2024.