Esta convocatoria, está orientada ao tecido industrial no marco do  PERTE Saúde de Vangarda,  cada proxecto debe enmarcarse nunha única liña de actuación e cada entidade poderá presentar unha ou varias solicitudes nesta convocatoria. As liñas de actuación son as seguintes:

 

1. Investigación industrial, desenvolvemento experimental e innovación en organización e/ou procesos:

• Investigación Industrial

• Desenvolvemento experimental

• Innovación en materia de organización

• Innovación en materia de procesos

2. Innovación en sustentabilidade e eficiencia enerxética:

• Investimentos con carácter innovador destinadas á protección do medio ambiente

• Investimentos con carácter innovador en medidas de aforro enerxético ou enerxías renovables

 

Beneficiarios: sociedades con personalidade xurídica propia, legalmente constituídas en España, con independencia do seu tamaño, que desenvolvan unha actividade industrial  no sector farmacéutico e de produtos sanitarios, e que non formen parte do sector público

 

O orzamento mínimo de conceptos  financiables para cada proxecto será de 100.000 euros. Para cada proxecto, o financiamento total a conceder, subvención máis préstamo nominal, será como máximo do 80 por cento sobre o orzamento  financiable. O importe máximo de subvención a percibir por proxecto, estará limitado a 4.000.000 euros nesta convocatoria.

 

Adicionalmente, o importe da axuda para conceder en forma de subvención, será como máximo:

a) Do 50 % do orzamento  financiable no caso de pequenas empresas.

b) Do 20 % do orzamento  financiable no caso de medianas empresas.

c) Do 10 % do orzamento  financiable no caso de grandes empresas para proxectos da Liña de Sustentabilidade e Eficiencia Enerxética.

d) Do 10% do orzamento  financiable no caso de grandes empresas para proxectos de investigación industrial ou de desenvolvemento experimental na Liña de Investigación, Desenvolvemento e Innovación.

e) Do 5 % do orzamento  financiable no caso de grandes empresas para proxectos de innovación en materia de organización e procesos, na Liña de Investigación, Desenvolvemento e Innovación.

 

Importe nominal máximo da axuda para conceder en forma de préstamo:

a) O Risco Vivo Acumulado da empresa coa Dirección Xeral de Industria e Pequena e Mediana Empresa (en diante,  DGIPYME) non poderá superar en 5 veces os fondos propios da entidade no último exercicio pechado.

b) O importe nominal do préstamo para conceder non poderá superar a cifra de negocios media nos dous últimos exercicios pechados.