A convocatoria de axudas para a creación de Aulas Mentores dependentes do Programa “Aula Mentor”, na súa edición de 2024, é unha iniciativa do Ministerio de Educación, Formación Profesional e Deporte destinada a promover unha formación aberta e flexible das persoas adultas, que permita a aprendizaxe durante todo a vida.

A axuda, cun orzamento de 2,72 millóns de €, enmárcase no Compoñente 20: Plan Estratéxico de Fomento da Formación Profesional, do Plan de Recuperación, Transformación e Resiliencia.

As Aulas Mentor son centros de formación aberta e a distancia que ofrecen cursos en liña dirixidos a persoas adultas. Caracterízanse pola súa flexibilidade, permitindo aos estudantes matricularse e estudar ao seu propio ritmo. O programa conta na actualidade con máis de 240 cursos curtos, organizados en 14 áreas formativas.

O programa Aula Mentor busca mellorar a cualificación profesional dos participantes mediante a formación non formal, que é acumulativa e pode servir para obter certificados que faciliten a inserción no mercado laboral. O obxectivo desta convocatoria, que se presenta en réxime de concorrencia competitiva, é financiar a creación de Aulas Mentor nas entidades locais.

As subvencións están dirixidas a entidades locais como municipios, deputacións e mancomunidades, así como a entidades públicas dependentes destas administracións.

A convocatoria conta cun orzamento total de 2,72 millóns de € distribuídos en 680 módulos de 4.000 € cada un, e destinados a financiar a creación de novas Aulas Mentor en distintas localidades, ampliando así a oferta formativa aberta por todo o territorio español.

As solicitudes deberán presentarse a través da sede electrónica do Ministerio de Educación, Formación Profesional e Deporte. O prazo para presentar solicitudes remata o 9 de novembro de 2024.