O Ministerio de Cultura publicou no Boletín Oficial do Estado a convocatoria de axudas para a distribución internacional de películas cinematográficas españolas correspondentes a 2023, realizadas polo Ministerio de Cultura a través do Instituto de Cinematografía e Artes Audiovisuais (ICAA). Cunha dotación orzamentaria dun millón de euros, esta axuda enmárcase no Plan de Recuperación, Transformación e Resiliencia. Ademais, a axencia de venda internacional deberá ter adquirido os dereitos de explotación da película en calquera momento antes da publicación desta convocatoria. Pola súa banda, as súas actividades de promoción e distribución internacional deberán estar comprendidas entre o 1 de setembro de 2022 e o 31 de decembro de 2023. O importe máximo da axuda por película será de 100.000 euros e non poderá superar o 50 % dos gastos subvencionables que sexan, entre outros, a adquisición de dereitos de explotación da película da produtora, gastos de promoción, campañas de publicidade en medios de comunicación ou aluguer de stands en eventos ou mercados. O prazo de presentación de solicitudes é de 25 días hábiles, dende o 18 de decembro ata o 23 de xaneiro de 2024. A solicitude deberá realizarse a través da sede electrónica do Ministerio de Cultura.