O Ministerio de Cultura publicou a convocatoria de axudas públicas destinadas á promoción do sector do videoxogo, podcast e outras formas de creación dixital para o ano 2025. Dotada cun orzamento total de 5 millóns de €, o obxecto destas consiste en apoiar o ecosistema do videoxogo, podcast e creación dixital, sempre que os proxectos teñan un carácter ou interese cultural e promovan, entre outras cousas, os seguintes aspectos: mellora e calidade da oferta cultural no sector do videoxogo, do podcast e doutras formas de creación dixital; emprendemento, o emprego e a profesionalización do sector cultural dedicado aos videoxogos, o podcast e outras formas de creación dixital; presenza da muller na industria; vertebración do tecido mediante o fortalecemento de alianzas e redes profesionais; unha oferta cultural descentralizada e a pluralidade lingüística; a internacionalización do sector e a visibilidade da cultura dixital española nos principais mercados internacionais.

Dirixidas a autónomos, microempresas e PEMES, estas axudas financiarán a preprodución, produción e posprodución de videoxogos, podcasts de ficción ou divulgativos cuxo contido verse sobre disciplinas e produtos culturais que usen tecnoloxías de realidade estendida ou outros formatos de creación dixital. Así mesmo, financiarán tamén a organización de eventos profesionais, programas de incubación e aceleración de empresas e exposicións culturais, sempre que teñan relación directa coas actividades anteriormente expostas.

A axuda concedida cubrirá entre o 60% e o 80% do custo total do proxecto, dependendo da contía solicitada, cun máximo de 80.000 € por axuda. As solicitudes deben presentarse en formato electrónico a través da sede electrónica do Ministerio de Cultura, dentro do prazo de 20 días hábiles, do 18 de novembro ao 16 de decembro de 2024.

Esta é a terceira edición que se leva a cabo deste Programa de axudas, sendo xa concedidas as convocatorias para o período 2022-2023 e para o ano 2024, ambas as dúas dotadas cun orzamento máximo de 8.000.000 €.

En relación coa convocatoria correspondente ós anos 2022 e 2023, concedéronse un total de 7.994.449 €, dos cales, 378.220 € foron parar a beneficiarios galegos. O detalle dos mesmos é o que a continuación se menciona: 

Polo que respecta á convocatoria de 2024, concedéronse un total de 7.981.910 €, dos que 171.656 € foron a parar a beneficiarios galegos. O desglosamento dos mesos é o que se refiere a continuación: