O Ministerio de Cultura e Deportes, a través do Instituto de Cinematografía e Artes Audiovisuais (ICAA), resolveu o primeiro procedemento de axudas xerais para a produción de longametraxes sobre  proxecto de 2023 por un importe de 30.012.000 euros, dos cales 2 millóns están financiados a través do Plan de Recuperación, Transformación e Resiliencia (PRTR) e o resto co Fondo de Protección Cinematográfica. A dotación orzamentaria total da convocatoria de 2023 é de 62 millóns de euros, a resolver en 2 procedementos, o que supón un incremento de 6 millóns de euros con respecto a 2022. Dos 50 proxectos que solicitaron axuda foron beneficiarios 25. Deles 23 corresponden á categoría de ficción, cun importe de 27.212.000 euros; e 2 proxectos corresponden á categoría de animación, por un importe de 2.800.000 euros. Pola súa banda, dos 25 proxectos beneficiarios, 11 son coproducións internacionais e obtiveron axudas por valor de 13.072.000,00 euros, o que supón o 43,55% do importe total. No caso de Galicia, 3 produtoras galegas reciben 1.015.600 € pola súa participación en 2 longametraxes.