O Ministerio de Industria e Turismo de España lanzará en abril a cuarta convocatoria do PERTE do Vehículo Eléctrico e Conectado, xestionada por SEPIDES, cun orzamento de 1.250 millóns de € (1.000 millóns en préstamos e 250 millóns en subvencións).

O PERTE VEC está a ser unha ferramenta clave para a transformación do sector da automoción en España, tendo posto á súa disposición máis de 5.000 millóns de € nas distintas convocatorias do mesmo. Así mesmo, e co obxecto de seguir impulsando a demanda do vehículo eléctrico, o Ministro amosou o compromiso de ampliar o Plan Moves con efectos retroactivos ao 1 de xaneiro de 2025.