O Ministerio de Industria e Turismo publicou a primeira resolución provisional cos 10 primeiros proxectos tractores que participaron na liña B da segunda convocatoria do PERTE de Vehículo Eléctrico e Conectado. Estes proxectos, vinculados á cadea de valor industrial do vehículo eléctrico, obtiveron aproximadamente 170 millóns de euros en axudas públicas e suporán unha mobilización industrial duns 500 millóns de euros. A liña B de PERTE VEC II arrancou cunha dotación de 559 millóns de euros, á que se incorporaron os fondos non consumidos tras a resolución da liña A. Así, esta convocatoria terá finalmente unha dotación definitiva de 787 millóns de euros. O obxectivo desta liña é impulsar plans de investimento para a cadea de valor industrial do vehículo eléctrico e conectado, os seus sistemas, subsistemas e compoñentes, ademais de determinados sistemas auxiliares de infraestruturas necesarios para o seu despregamento. En total, recibíronse 138 solicitudes nesta convocatoria do PERTE VEC II B. Os dez proxectos aprobados provisionalmente nesta primeira resolución son os de JEMA ENERGY, BASQUEVOLT (con 2 proxectos tractores), IRIZAR, NISSAN, MERCEDES-BENZ, MASATS, MUGAPE, EDSCHA BURGOS e AUTOTECH. Non hai beneficiarios/proxectos galegos . As adxudicacións publicadas son provisionais e a partir deste momento comeza o prazo de alegacións, no que as empresas poden aspirar a alcanzar o máximo que permitan os proxectos no marco desta convocatoria, ata a resolución definitiva. Nas próximas semanas seguirán avaliando o resto de as solicitudes presentadas nesta convocatoria de PERTE VEC II B.