O ministro de Industria e Turismo anunciou a concesión provisional de preto de 95 millóns de euros en axudas para a transformación dixital de 46 destinos turísticos. Con esta convocatoria preténdese, por unha banda, promover relacións máis dixitais e intelixentes entre turistas, empresas e residentes nos destinos, e por outra, xerar datos que permitan unha toma de decisións máis informada sobre retos relacionados cunha xestión máis eficiente e sostible dos destinos.

A través destas axudas poderase acelerar a adopción de tecnoloxías dixitais para mellorar a xestión dos destinos, aumentar a competitividade das empresas e fomentar a colaboración entre administracións. Ademais, permitirá aos destinos beneficiarios desenvolver solucións dixitais que vinculen a súa xestión á Plataforma Intelixente de Destinos (PID), que ten como obxectivo a transformación dixital do sector turístico e a optimización da xestión dos destinos mediante a implantación de ferramentas dixitais innovadoras.

Tras avaliar as 250 solicitudes recibidas na convocatoria de axudas, 46 proxectos foron seleccionados para recibir financiamento. As axudas distribúense entre diferentes tipos de entidades: concellos (59,4%), deputacións provinciais, cabildos e consellos insulares (35%) e comunidades autónomas uniprovinciais (5,6%), con importes asignados de 56,4 millóns de euros, 33,2 millóns de euros e 5,3 millóns de euros, respectivamente. No caso da CCAA de Galicia, resultaron beneficiarias as seguintes entidades: