O Ministerio de Industria, Comercio e Turismo publicou o 22 de febreiro de 2024, a través da Dirección Xeral de Industria e da Pequena e Mediana Empresa, a proposta de resolución provisional das axudas a Plans de inversión da sección B do vehículo eléctrico, convocatoria enmarcada no PERTE VEC.

Segundo a convocatoria publicada o 24 de xullo de 2023, a dotación inicial era de 559.669.829 €. Sen embargo, incorporaron os fondos non consumidos da Sección A do PERTE VEC (227 millóns de €) sendo o orzamento total finalmente asignado a esta convocatoria de 786.669.829 €. Seleccionaron de forma provisional os primeiros 10 proxectos, sendo o importe total concedido de 166.280.877 € (un 21,13 % do total orzamentado), 127.716.963 € en forma de subvención e 38.563.914 € en forma de préstamo. Quedando así máis dun 75 % dos fondos asignados á convocatoria pendentes de conceder. Entre os primeiros beneficiarios publicados non hai entidades galegas, e ningunha actuación se leva a cabo en Galicia.

En calquer caso, desde o Ministerio subliñaron nos últimos días que nas próximas semanas continuarán avaliando o resto das solicitudes presentadas nesta convocatoria do PERTE VEC II B ata esgotar a dotación prevista. Nesta convocatoria, presentáronse 138 solicitudes de axuda.

A distribución xeográfica dos 10 proxectos seleccionados para a axuda é a seguinte:

País Vasco é a comunidade que acaparou case a totalidade de axudas estimadas ata agora (120.278.260 €) entre 6 proxectos. Seguida por Cataluña, que con tres proxectos obtén 7.843.668 €. E pecha de momento a lista Castilla y León, que cun único proxecto lle concederon 2.806.580 €.