Con data de 25 de xullo de 2024 publicábase no Boletín Oficial do Estado o Extracto da Resolución de 23 de xullo de 2024 da Fundación EOI, pola que se convocaba a concesión de axudas do Programa Xeración Dixital PEMES: persoas de equipos directivos e cualificación de persoas empregadas en PEMES, no marco do PRTR.

Esta convocatoria, dotada cun orzamento de 50.700.000€, ten por obxecto seleccionar os beneficiarios das axudas que deberán desenvolver Programas de Formación no ámbito da Transformación Dixital dirixidos a persoas de equipos directivos, así como traballadores de PEMES que requiran dunha actualización ou desenvolvemento de competencias en dixitalización para un mellor desempeño da empresa. O prazo de presentación de solicitudes finalizaba o 18 de setembro de 2024 e, na actualidade, as solicitudes atópanse en avaliación.

O 25 de novembro de 2024, publícase no BOE o Extracto de Resolución de data 22 de novembro de 2024 pola que se amplía a contía total máxima das axudas do programa “Xeración Dixital PEMES: persoas de equipos directivos e cualificación de persoas empregadas en PEMES” en 33.150.000€, polo que o orzamento total da convocatoria é de 83.850.000€.