O Ministerio de Industria e Turismo publicou o 10 de setembro de 2024, a relación de solicitudes estimadas definitiva e provisionalmente da liña B do PERTE VEC II vinculadas á cadea de valor industrial do vehículo eléctrico.

Segundo a convocatoria publicada o 24 de xullo de 2023, a dotación inicial era de 559.669.829 €. Non obstante, incorporáronse os fondos non consumidos da liña A do PERTE VEC (227.000.000 €), co que incrementa o orzamento ata os 786.669.829 €. Así mesmo, con data do 5 de setembro de 2024, o orzamento foi incrementado en 25.000.000 €, facendo así un orzamento total de 811.669.829 €. Ata agosto de 2024, concederánse forma definitiva un total de 408.060.000 €, 321.488.018 € en concepto de subvención e 86.572.422 € en concepto de préstamo (50,27% do total orzamentado).

O 10 de setembro de 2024 publicouse a proposta de resolución definitiva dos proxectos que se atopaban en réxime de provisionalidade coa subvención proposta. A comisión de valoración resolveu as alegacións de varias empresas e modificouse o importe da axuda para o seguinte proxecto:

• Renault España S.A., co seu proxecto “Plan de investimentos para o desenvolvemento, deseño e fabricación do vehículo C-SUB 100% eléctrico na planta de Palencia”, pasa de obter 54.323.275 € a 53.389.421 € en concepto de subvención e 12.917.059 €. en forma de préstamo.

Así mesmo, inclúense na resolución definitiva os seguintes proxectos:

• Stellantis España, S.L., co seu proxecto “Plan de investimentos para a produción de vehículos eléctricos na planta de Stellantis España en Madrid” obterá 8.752.000 € en concepto de subvención e 737.311 € en concepto de préstamo.
• Natural Movement, S.L., co seu proxecto “A revolución dos vehículos enfocados ás persoas e ao planeta” obterá 5.640.618 € en concepto de subvención.
• Birziplastic, S.L., co seu proxecto “POLIVEC”, obterá 2.331.339 € en concepto de subvención e 702.237 € en concepto de préstamo.
• Robert Bosch España Fabrica Aranjuez S.A., co seu proxecto “Plan de investimento Bosch España para o desenvolvemento de vehículos eléctricos e conectados na súa planta de Aranjuez” obterá 1.863.390 € en concepto de subvención e 846.164 €.

Tras a modificación da resolución, e a inclusión dos novos proxectos, concedeuse definitivamente un total de 417.204.518 € (o 51,40% do total orzamentado). Queda sen conceder o 48,60 % dos fondos destinados á convocatoria.

E por outra banda, o Ministerio de Industria, tamén publicou o 10 de setembro de 2024 a proposta de resolución provisional, na que se estiman provisionalmente os oito proxectos seguintes, que en conxunto obtiveron 67.396.638 €. Un dos proxectos propostos para a subvención realizarase en Vigo e é o da empresa Borgwarner Emissions Systems Spain, S.L e o seu proxecto “Investigación e Desenvolvemento no ámbito da Thermal Management de compoñentes esenciais do Vehículo Eléctrico e Conectado” que proponse unha axuda de 23,3 millóns de euros.

O detalle dos oito proxectos beneficiarios é o seguinte:

Nome do beneficiario	Título proxecto	Total concedido subvención (€)	Total concedido préstamo (€)	Total concedido (€)
Alcorta Forging Group, S.A.	Nuevos elementos de suspensión aligerados para plataformas de VE fabricados mediante tecnología de forja eficiente y digitalizada	171.898	78.059	249.957
Wallbox Chargers, S.L.U.	ILIOS. Desarrollo de una nueva generación de cargadores públicos ultrarrápidos como infraestructura crítica	3.178.872	1.472.087	4.650.959
DOGA, S.A.	Diseño y desarrollo de un tren motriz de alto rendimiento para vehículos eléctricos segmento I	316.153	139.955	456.108
Cebi Electromechanical Components Spain, S.A.	Nueva Generación de sensores con Circuito Integrado de Alta Tensión: Potenciando componentes Clave en el Vehículo Electrico	1.036.191	449.605	1.485.796
Dana Automoción, S.A.	PLAN INDUSTRIAL DANA PERTE VEC 2	665.479	288.753	954.232
IDNEO Technologies, S.A.U.	Plan de Inversión IDNEO	429.744		429.744
Renault España, S.A.	Plan de inversión para el desarrollo e implementación de una nueva plataforma de fabricación ultraflexible para vehículo 100% eléctrico de la planta de Valladolid	20.297.197	11.184.655	31.481.852
FORMIN, S.A.	Desarrollo y validación de nuevos productos y procesos aplicados a la gestión y conexión de baterías de vehículos eléctricos	4.326.722	-	4.326.722
Borgwarner Emissions Systems Spain, S.L	Investigación y Desarrollo en el ámbito del Thermal Management de componentes esenciales del Vehículo Eléctrico y Conectado	9.173.094	14.188.174	23.361.268
Total concedido de axuda (€)		39.595.350	27.801.288	67.396.638

Logo da publicación da proposta de resolución definitiva e provisional do 10 de setembro de 2024, concedeuse un total de 484.601.156 € (o 59,70 % do total orzamentado). Queda sen conceder o 40,30% dos fondos destinados á convocatoria.

A análise da distribución das axudas da liña B de PERTE VEC II a nivel nacional é a seguinte:

 

	PERTE VEC - SECCIÓN B
CCAA	Nº Beneficiarios	Total concedido subvención (€)	Total concedido préstamo (€)	Total concedido (€)	% Sobre o concedido
País Vasco	11	132.408.936	36.797.629	169.206.565	34,92%
Castilla y León	5	76.255.463	25.628.241	101.883.704	21,02%
Galicia	2	40.322.815	24.163.393	64.486.208	13,31%
Aragón	1	40.164.270	16.090.168	56.254.438	11,61%
Cataluña	10	48.668.740	6.055.933	54.724.673	11,29%
Navarra	6	11.335.322	3.391.306	14.726.628	3,04%
Valencia	2	10.625.756	1.158.077	11.783.833	2,43%
Madrid	4	9.643.107	1.892.000	11.535.107	2,38%
Andalucía				0	0,00%
Principado de Asturias				0	0,00%
Cantabria				0	0,00%
Castilla-La Mancha				0	0,00%
Extremadura				0	0,00%
Islas Baleares				0	0,00%
Islas Canarias				0	0,00%
La Rioja				0	0,00%
Murcia				0	0,00%
Total	41	369.424.409	115.176.747	484.601.156

O País Vasco é a comunidade autónoma con maior número de proxectos e axudas concedidas, case o 35% do total concedido. Castilla y León sitúase en segundo lugar cun 21,02% do total concedido a nivel nacional. Galicia ocupa a terceira posición nesta convocatoria, cun 13% dos fondos concedidos, grazas ao proxecto Stellantis España, S.A. que se vai realizar na factoría de Vigo, que obtivo 41.124.940 €. Así como o proxecto Borgwarner Emissions Systems Spain, S.L, que obtivo provisionalmente 23.361.268 €.