O Ministerio de Industria e Turismo publicou o 9 de xuño de 2025 a listaxe de solicitudes estimadas provisionalmente e a listaxe de solicitudes estimadas definitivas, da segunda convocatoria de axudas para o impulso da cadea de valor da microelectrónica e dos semiconductores (ICV/ME), dentro do PERTE CHIP.

A convocatoria publicada o 13 de decembro de 2024, e cuxo prazo de presentación de solicitudes rematou o 31 de xaneiro do 2025, establecía un orzamento máximo de 110.000.000 €. Seleccionáronse de maneira provisional un total de 17 beneficiarios, sendo o importe total concedido provisional de 28.962.204 €. Non hai beneficiarios galegos entre estes novos proxectos estimados provisionalmente. Ademais, actualizouse a listaxe de solicitudes estimadas de maneira definitiva, seleccionándose de maneira definitiva un total de 37 beneficiarios, sendo o importe total concedido de 55.621.435 €. Hai un proxecto beneficiario galego estimado de maneira definitiva, o da empresa SPARC FOUNDRY, S.L., cun total concedido de 1.084.756 €.

En definitiva, concedéronse de maneira provisional e definitiva un total de 84.583.639 € a 54 beneficiarios (un 76,89 % do total orzamentado). Quedan aínda un 23,11 % dos fondos asignados á convocatoria sen conceder.

Os 17 novos proxectos incluídos na listaxe de solicitudes estimadas provisionalmente son os seguintes.

A análise da distribución por CCAA das axudas concedidas é a seguinte:

Cataluña é a CCAA con máis axudas concedidas, o 41,26 % do total concedido. O País Vasco sitúase en segundo lugar, cun 26,99 % do total concedido a nivel nacional. Madrid ocupa o terceiro lugar cun 9,62 %. Galicia ocupa unha sétima posición, un total de 1.084.756 € foron concedidos a un proxecto galego nesta convocatoria, o que representa un 1,28 % do total concedido a nivel nacional.