O Ministerio de Industria e Turismo publicou o 8 de outubro de 2024 a relación de solicitudes estimadas definitivas e provisionais, das axudas á descarbonización da industria manufactureira no marco do PERTE para a Descarbonización Industrial.

Segundo a convocatoria publicada o 26 de decembro de 2023, cuxo prazo rematou o 17 de abril de 2024, o orzamento máximo establécese en 999.800.000 €, con 500.000.000 € en forma de préstamo, e 499.800.000 € en forma de subvención. O 8 de outubro de 2024 actualizouse a relación de solicitudes estimadas provisionalmente e ao mesmo tempo publicouse a relación de solicitudes estimadas definitivamente. Seleccionáronse provisionalmente 14 novos beneficiarios e adxudicáronse un total de 96.300.000 € en concepto de subvención. Así mesmo, recóllense na resolución definitiva un total de 31 proxectos aos que se lle concedeu un total de 266.609.317 €, dos que 929.209 € son concedidos en concepto de préstamo.

En definitiva, adxudicáronse con carácter provisional e definitivo 362.909.317 €, o que supón o 36,30 % do total orzamentado. Aínda quedan o 63,70 % dos fondos destinados á convocatoria que non foron concedidos nesta convocatoria A día de hoxe, son 4 proxectos galegos adxudicados nesta convocatoria cun total de 27.483.770 €, o que supón o 7,97 % do total concedido a nivel nacional.

Os catro proxectos galegos estimáronse definitivamente para esta axuda e son os seguintes: