Estás en:
MINTUR publica a listaxe de solicitudes estimadas provisionalmente da convocatoria de concesión de axudas a proxectos de produción de baterías do vehículo eléctrico (PERTE VEC IV – Sección A)
MINTUR publica a listaxe de solicitudes estimadas provisionalmente da convocatoria de concesión de axudas a proxectos de produción de baterías do vehículo eléctrico (PERTE VEC IV – Sección A)
O Ministerio de Industria e Turismo publicou o 26 de setembro de 2025, a través de SEPIDES, a listaxe de solicitudes estimadas provisionalmente da convocatoria de axudas a proxectos de produción de baterías do vehículo eléctrico (PERTE VEC IV – Sección A).
A convocatoria publicada o 9 de xuño de 2025, cuxo prazo rematou o 17 de xullo de 2025, en concorrencia non competitiva, establecía un orzamento máximo de 280.000.000 €. Seleccionáronse os primeiros 6 beneficiarios, sendo o importe provisional concedido de 27.324.571 € (un 9,75 % do total orzamentado). Entre as entidades beneficiarias, hai dúas galegas (sombreadas en azul) que captaron 3.757.204 € (un 13,75 % do total concedido).
O detalle dos proxectos é o seguinte:
| Entidade | Nome proxecto | CCAA | Importe concedido (€) | % Sobre o total concedido |
| RESONAC GRAPHITE SPAIN S.A. | Planta de producción a gran escala de grafito sostenible para ánodos de baterías de vehículos eléctricos. IKIGAI | Galicia | 2.740.230 | 10,02 % |
| BASQUEVOLT S.A. | Nueva planta de fabricación de electrolitos para la producción de celdas de estado sólido con tecnología de Basquevolt destinadas al VEC. | País Vasco | 6.148.113 | 22,50 % |
| GESTAMP PALENCIA S.A. | Inversión para la fabricación del Battery Box- Cover en Castilla y León | Castilla y León | 1.660.834 | 6,07 % |
| CUMMINS NEW POWER S.L.U. | Industrialización de baterías avanzadas de LMFP para vehículos eléctricos | Castilla-La Mancha | 10.868.347 | 39,77 % |
| BORGWARNER EMISSIONS SYSTEMS SPAIN S.L. | Nuevas líneas de producción para la fabricación de componentes esenciales para la gestión térmica de baterías | Galicia | 1.016.974 | 3,72 % |
| MICRO ELECTROCHEMICAL TECHNOLOGIES S.L. | Nueva planta para la producción de baterías libres de metales para vehículos eléctricos | Castilla-La Mancha | 4.890.073 | 17,90 % |
| Total concedido (€) | 27.324.571 | 100% | ||
O proxecto promovido por Cummins New Power S.L.U., que se leva a cabo en Castela-A Mancha, captou practicamente a metade da totalidade dos fondos concedidos de maneira provisional. Séguelle o proxecto de Basquevolt, que se desenvolve no País Vasco, o cal obtivo un 22,50 % do total resolto provisionalmente. Entre os dous proxectos repartiron máis do 60 % do total concedido.