Ministerio de Industria e Turismo publicou o 22 de novembro de 2024, a través da Secretaría de Estado de Turismo, a proposta de resolución definitiva das axudas enmarcadas no Programa de Mellora da Competitividade e de Dinamización do Patrimonio Histórico con uso turístico.

Segundo a convocatoria publicada o 10 de xaneiro de 2023, cuxo prazo rematou o 11 de febreiro de 2023, o orzamento máximo establécese en 208.515.913 €. O 5 de xullo de 2024, na proposta de resolución provisional seleccionáronse 92 beneficiarios que no seu conxunto obtiveron 208.324.656 €. Entre os beneficiarios había catro entidades galegas que obtiveron 8.694.929 €. O 22 de novembro de 2024, publicouse a proposta de resolución definitiva sendo seleccionados 89 proxectos cun importe total concedido de 207.648.636 € (un 99,58 % do total orzamentado). Entre os beneficiarios hai catro entidades galegas que obtiveron un total de 9.603.123 € (un 4,62 % do total concedido).

Os 89 proxectos repártense en 13 comunidades autónomas, sendo Andalucía (42,9 millóns de €), a Rexión de Murcia (35,4 millóns €), Cataluña (30,7 millóns €) e a Comunidade Valenciana (29,3 millóns €) as que contarán cun maior orzamento financiable. Galicia atópase nunha 7ª posición respecto a outras rexións.

Entre a resolución provisional e a definitiva, cabe destacar a eliminación da concesión ao Concello da Coruña na que provisionalmente concedéranlle 2.091.804 € para o proxecto “Puesta en valor del Patrimonio Histórico con uso turístico del BIC conjunto histórico-artístico Cidade Vella de A Coruña”. Do mesmo xeito, o Concello de Ares non figuraba inicialmente entre os beneficiarios provisionais, sen embargo, na proposta de resolución definitiva concedéronlle 2.999.998 €.

O detalle dos beneficiarios galegos da proposta de resolución definitiva é o seguinte: