Estás en:
O Goberno concede máis de 75 millóns de € en axudas a entidades públicas e privadas para impulsar os espazos de datos sectoriais
O Goberno concede máis de 75 millóns de € en axudas a entidades públicas e privadas para impulsar os espazos de datos sectoriais
O Ministerio para a Transformación Dixital e da Función Pública publicou a resolución de concesión de axudas para a creación de Espazos de Datos Sectoriais. Aprobáronse 78 proxectos innovadores cunha inversión de máis de 75 millóns de euros, que mobilizarán case 122 millóns de euros incluíndo as achegas dos beneficiarios.
Estas iniciativas, distribuídas en sectores clave como a saúde, a agroalimentación e a mobilidade sostible, buscan mellorar a produtividade, competitividade e eficiencia mediante a compartición de datos entre fabricantes, investigadores e provedores de infraestrutura. Os proxectos permitirán extraer valor dos datos, potenciando a toma de decisións informadas, a innovación tecnolóxica e a optimización de recursos.
Do total de axudas, o 63% dos proxectos seleccionados foron presentados por entidades privadas, que recibirán o 42% da subvención total. O 37% dos proxectos foron promovidos por entidades públicas, que recibirán o 58% do importe total. En canto á súa distribución por sector, as iniciativas financiadas distribúense do seguinte xeito:
| Sector | Nº de iniciativas | Importe axuda (€) |
| Saúde | 20 | 31.931.411 |
| Agroalimentación | 16 | 12.863.011 |
| Mobilidade Sostible | 16 | 14.490.490 |
| Industria | 8 | 4.573.077 |
| Outros | 9 | 6.274.998 |
| Economía social e dos coidados | 6 | 3.271.786 |
| Comercio | 3 | 2.017.372 |
| TOTAL | 78 | 75.422.146 |
No que respecta a Galicia, a CCAA recibiu un total de 7.486.115 € (un 9,92% do total), que se distribúen da seguinte maneira:
| Beneficiario | Proxecto | Importe axuda (€) |
| Fundación Pública Galega Centro Tecnolóxico de Supercomputación de Galicia | Demostrador Multisectorial DATALife | 3.077.058 |
| Fundación Pública Galega de Investigación Biomédica Galicia Sur | GIFT (Gastroenterology Interface with Fair Treatment) | 505.159 |
| Universidade de Vigo | CeliaSpace: Caso de uso de datos de asistentes conversacionais para a avaliación da saúde | 367.643 |
| Fundación Pública Gallega de Investigación Biomédica Galicia Sur | BRILLIANT (Observatorio de Sarcopenia) | 626.108 |
| Fundación Pública Galega de Investigación Biomédica Galicia Sur | AidDataMed | 487.826 |
| NM IoT S.L. | Moirai Data | 324.105 |
| Inverbis Analytics S.L. | Salusbench | 432.472 |
| Hermasa Canning Technology | Hermasa Smart Tuna Hub | 394.005 |
| SGS Tecnos S.A. | Ecosistema de trazabilidade de produtos e procesos sostibles no sector textil | 526.624 |
| Fundación Vithas | Potenciando a saúde a través dos datos: desenvolvemento de espazo de datos da Fundación Vithas como Centro Demostrador no sector saúde | 745.115 |
| TOTAL | 7.486.115 | |