O Ministerio de Política Territorial e Memoria Democrática aprobou unha subvención de case 17 millóns de € , con cargo ao Fondo de Recuperación, Transformación e Resiliencia (PRTR), para financiar proxectos de modernización na xestión do padrón municipal , que permite o intercambio de información e actualización, en tempo real, dos datos entre concellos e o Instituto Nacional de Estatística (INE).

Estas axudas están promovidas polo Ministerio de Política Territorial e Memoria Democrática para aproveitar o impulso dos fondos PRTR e utilizalos como ferramenta que facilite a adaptación dos sistemas de xestión do padrón municipal ás novas esixencias da Lei Reguladora das Bases do Réxime Local (LRBRL) introducido nos reais decretos-lei 6/2023 e 141/2024, polo que se modificou o Regulamento de Poboación e Demarcación Territorial das Entidades Locais.

Os beneficiarios da convocatoria son as deputacións provinciais, os cabildos, os consells insulares , así como as comunidades autónomas uniprovinciais, aínda que os destinatarios finais son os municipios de menos de 20.000 habitantes e as cidades de Ceuta e Melilla.

Como en convocatorias anteriores, a asignación das axudas realizouse en función dun criterio poboacional. Un total de 60 entidades foron convocadas para presentar os seus proxectos, das que 58 solicitaron financiamento para proxectos de dixitalización do padrón.

Nunha primeira resolución concedéronse axudas por importe de 47 millóns de € para financiar un total de 45 proxectos de 45 entidades beneficiarias. Agora o orzamento de 64 millóns para este obxectivo complétase coa aprobación da subvención de 17 millóns para financiar 13 proxectos. Un dos proxectos beneficiarios é “+RUEIRO” na CCAA de Pontevedra, que obtivo un importe total de 1.500.000 €. A este súmase outros dous proxectos galegos: un na Coruña por un importe de 1.595.965 € e outro en Ourense por 1.336.772 €.