O ministro de Agricultura, Pesca e Alimentación participou nas XXII Xornada Técnica da Federación Nacional de Comunidades de Regantes de España (Fenacore), onde expresou o firme compromiso do Goberno por consolidar un modelo de regadíos sustentable e eficiente que aforre recursos, auga, enerxía e insumos ás explotacións agrícolas, no contexto actual do cambio climático. Para iso, valorou o importante esforzo investidor que está a realizar o Goberno na modernización de infraestruturas e redes obsoletas, e para a incorporación de novas tecnoloxías dixitais e fontes de enerxía renovables. Segundo sinalou, o Goberno vai mobilizar, ata 2027, un investimento público-privado de 2.416 millóns de euros, con 97 actuacións en máis de 700.000 hectáreas. Un ambicioso plan de investimentos, que conta con financiamento do Plan de Recuperación, Transformación e Resiliencia.