O Ministerio para a Transición Ecolóxica e o Reto Demográfico publicou o 27 de novembro de 2025, a través da Secretaría de Estado de Medio Ambiente, a Resolución definitiva da Segunda convocatoria de subvencións de proxectos de dixitalización de comunidades de usuarios de auga para regadío, no marco do PERTE de Dixitalización do ciclo da auga.

Segundo a convocatoria publicada o 23 de outubro de 2024, cuxo prazo de presentación de solicitudes rematou o 22 de xaneiro de 2025, establecíase un orzamento máximo de 100.000.000 €. Na proposta de resolución provisional publicada o 20 de outubro de 2025, seleccionáronse un total de 258 beneficiarios, 3 deles galegos, aos que se lles concederon provisionalmente 100.000.000 € (o 100% do importe orzamentado).

Na resolución definitiva publicada o 27 de novembro de 2025, non houbo variacións no total resolto, concedéndose novamente a totalidade do orzamento (100.000.000 €) aos 258 beneficiarios. Porén, si se produciron cambios no total captado polos beneficiarios. As entidades galegas beneficiarias non variaron con respecto á resolución provisional, pero si aumentou o total concedido, sendo este 530.022 €, dado que a entidade “COMUNIDADE DE REGANTES RÍO PEQUENO DE COSPEITO” obtivera na resolución provisional 88.548 €, mentres que na resolución definitiva lle concederon 112.938 €.

Así, a distribución dos beneficiarios e o total concedido polas distintas CCAA é a seguinte:

A Comunidade Valenciana é a CCAA que máis axudas captou nesta convocatoria, igual que na convocatoria provisional, obtendo máis do 22% dos fondos concedidos. Castela e León ocupa a segunda posición con máis de 17,7 M€ concedidos. Galicia sitúase na 11ª posición con 530.022 € concedidos.

O detalle das entidades galegas é o seguinte: