O Ministerio para a Transición Ecolóxica e o Reto Demográfico anunciou que destinará 465 millóns de € do PRTR para proxectos españois nas próximas poxas europeas de hidróxeno e calor industrial. Esta nova contribución reforza a aposta española por este vector clave para descarbonizar sectores difíciles de electrificar, como a industria pesada ou o transporte marítimo e aéreo.

Dos 415 M€ destinados ás poxas de hidróxeno, repartiranse en 2 das 3 cestas do seguinte xeito:

• 278,6 M€ ao Topic 1 (produción de hidróxeno renovable de orixe non biolóxica, RFNBO polas súas siglas en inglés).
• 136,4 M€ ao Topic 3 (apoio á produción de hidróxeno RFNBO limitado a proxectos que abastezan ao sector marítimo e á aviación con RFNBO).

Os 50 M€ impulsarán solucións de calor industrial renovable, acelerando a transición en procesos térmicos, e repartiranse en 2 das 3 cestas do seguinte xeito:

• 30 M€ ao Topic de baixa temperatura (100-400 ºC) e baixa potencia (3-5 MWt).
• 20 M€ ao Topic de baixa temperatura (100-400 ºC) e media potencia (> 5 MWt).

A partir da data que se indique na convocatoria, calquera proxecto que estea na lista de espera e sexa potencial beneficiario na “Poxa como Servizo” (AaaS) española deberá presentar tanto a documentación recollida na convocatoria como a garantía de execución.

Cómpre ter en conta que os prazos a nivel nacional para a presentación destas garantías e, en termos xerais, para o proceso de tramitación, serán máis reducidos ca os establecidos para a primeira convocatoria do mecanismo AaaS, debido a que as resolucións definitivas de adxudicación deberán publicarse antes do 31 de agosto de 2026, por tratarse de axudas financiadas polo Mecanismo para a Recuperación e a Resiliencia a través do PRTR.