Estás en:
O MITECO publica a resolución definitiva da 3ª convocatoria de subvencións (2024) en concorrencia competitiva para a elaboración de proxectos de mellora da eficiencia do ciclo urbano da auga (PERTE AUGA)
O MITECO publica a resolución definitiva da 3ª convocatoria de subvencións (2024) en concorrencia competitiva para a elaboración de proxectos de mellora da eficiencia do ciclo urbano da auga (PERTE AUGA)
O Ministerio para a Transición Ecolóxica e o Reto Demográfico publicou o 8 de outubro de 2025, a través da Secretaría de Estado de Medio Ambiente, a resolución definitiva da terceira convocatoria de axudas para a elaboración de proxectos de mellora da eficiencia do ciclo urbano da auga (PERTE AUGA).
A convocatoria, publicada o 20 de decembro de 2024 e cuxo prazo de presentación de solicitudes rematou o 30 de xaneiro de 2025, tiña un orzamento de 50.000.000 €. O pasado 9 de agosto de 2025 publicouse a resolución provisional, na que se concederon 50.000.000 € a 14 proxectos, o que supón o 100 % do total orzamentado. Entre os proxectos beneficiarios, había un proxecto galego que obtivo un total de 5.996.314,35 € (un 12 % do total resolto a nivel estatal). O 8 de outubro de 2025 publicouse a resolución definitiva, na que non se produciron cambios respecto da resolución provisional.
A distribución dos proxectos entre as distintas comunidades autónomas é a seguinte:
| CCAA | NºBeneficiarios | Total concedido (€) | % Sobre o concedido |
| Andalucía | 4 | 11.627.101 | 23,25% |
| Valencia | 3 | 10.626.644 | 21,24% |
| Galicia | 1 | 5.996.315 | 12,00% |
| Región de Murcia | 1 | 5.941.582 | 11,88% |
| País Vasco | 1 | 5.178.150 | 10,36% |
| Cataluña | 2 | 5.012.163 | 10,02% |
| Castilla y León | 1 | 4.218.596 | 8,44% |
| Islas Canarias | 1 | 1.399.451 | 2,80% |
| Islas Baleares |
|
|
|
| Madrid |
|
|
|
| Navarra |
|
|
|
| Principado de Asturias |
|
|
|
| Aragón |
|
|
|
| Castilla La Mancha |
|
|
|
| Cantabria |
|
|
|
| Extremadura |
|
|
|
| La Rioja |
|
|
|
| Total | 14 | 50.000.000 |
|
Andalucía e Valencia son as comunidades autónomas que aglutinan o maior número de propostas beneficiarias; entre ambas obtiveron practicamente o 45% do total resolto na convocatoria. Galicia ocupa a terceira posición, cun 12 % dos fondos concedidos, ao captar 5.996.315 €.
O detalle do proxecto galego beneficiario é o seguinte:
| CIF | Entidade | Proxecto | Importe axuda (€) |
| U79820833 | FCC AQUALIA VIGO UTE | VIGWATER CAPITAL DIGITAL DEL AGUA EN GALICIA | 5.996.314 |