O Ministerio de Transportes e Mobilidade Sostible publicou o 13 de decembro de 2024, a través da Secretaría de Estado de Transportes, Mobilidade e Axenda Urbana, a resolución de concesión definitiva da Segunda convocatoria de subvencións do eco-incentivo para o impulso do transporte ferroviario de mercadorías baseado no mérito ambiental e socioeconómico, para o ano 2023.

Segundo a convocatoria publicada o 19 de xuño de 2023, cuxo prazo rematou o 1 de abril de 2024, o orzamento máximo establécese en 25.000.000 €. Seleccionáronse de maneira definitiva 7 entidades, sendo o importe total concedido de 21.849.205 € (un 87,40 % do total orzamentado). Entre os beneficiarios non hai entidades galegas.