O Goberno de España, a través do Ministerio de Asuntos Económicos e Transformación dixital, e o Goberno de La Rioja, firmaron un convenio de colaboración para a posta en marcha do Centro de Intelixencia da Nova Economía da Lingua cun financiamento total de 44,67 millóns de euros. Deste investimento, o Goberno de España aporta 20,80 millóns dos fondos Next Generation EU e o Executivo de La Rioja outros 23,87 millóns. O obxecto do convenio – que se enmarca no Proxecto Estratéxico para a Recuperación e Transformación Económica (PERTE) da Nova Economía da Lingua e o Valle de la Lengua- ten como finalidade ubicar a lingua española no centro do desenvolvemento tecnolóxico e dixital e impulsar proxectos transformadores basados no español. Neste sentido, o convenio estructura as actuacións estratéxicas a tomar en dous ámbitos de acción: a nova economía da lingua e a ciencia en español. No ámbito do fomento da nova economía da lingua, poñerase en marcha en La Rioja o Centro de Intelixencia da Nova Economía da Lingua, que será un centro de innovación en torno ó idioma coa intención de xerar redes de colaboración con universidades e centros de investigación Internacionais para a transferencia de coñecemento, con iniciativas para a promoción do desenvolvemento do texido empresarial e o emprendemento dixital. Ademáis, crearase o espazo de datos do sector da nova economía da lingua. O convenio tamén establece a colaboración con otras institución académicas, culturais e centros de investigación como o Observatorio Global do Español, ubicado no Valle de la Lengua en La Rioja. Liderado polo Instituto Cervantes, actúa como centro de análisis demoscópico e desenvolvemento demolingüístico do español.