O Ministerio de Política Territorial concede novas subvencións aos cabildos de Canarias e aos consells das Islas Baleares para a súa dixitalización por importe de 8 millóns de euros, con cargo ao Plan de Recuperación, Transformación e Resiliencia. Os proxectos aprobados con esta nova resolución pretenden modernizar as infraestruturas para facelas máis eficientes técnica e enerxéticamente. O Plan de Recuperación, Transformación e Resiliencia contempla a transformación dixital e modernización das distintas administracións públicas e conta cun financiamento que ascende a 1.000 millóns de euros no período 2021-2023 para as administracións territoriais, con 391,4 millóns de euros correspondentes ás entidades locais, a través da xestión do Ministerio de Política Territorial. Dende 2021 e ata hoxe, o Ministerio de Política Territorial publicou catro convocatorias de subvencións en réxime de concorrencia non competitiva dirixidas ás administracións locais para a súa modernización e dixitalización. Chegáronse a case 500 entidades locais que financian máis de 800 proxectos de modernización e dixitalización dos servizos prestados e das propias administracións por un importe de case 255 millóns de euros.