Atrás

Publicouse a terceira convocatoria de axudas para a mellora do ciclo urbano da auga

Atrás
10/01/2025

Publicouse a terceira convocatoria de axudas para a mellora do ciclo urbano da auga

No marco do PERTE de Dixitalización do Ciclo da Auga, o Ministerio para a Transición Ecolóxica e o Reto Demográfico publicou a terceira convocatoria de subvencións para a dixitalización do ciclo urbano da auga, dotada cun orzamento inicial de 50 millóns de €, ampliable noutros 50. Con esta convocatoria perséguese modernizar o ciclo da auga para mellorar a eficiencia do ciclo urbano, reducindo perdas nos sistemas de distribución e mellorando infraestruturas de tratamento de augas residuais.
 
Poderán ser beneficiarios destas axudas persoas xurídicas ou unións temporais de empresas que operen, sexan titulares ou teñan competencias en servizos de abastecemento, saneamento ou depuración de augas residuais urbanas nun ou varios municipios. Así mesmo, tamén terán a condición de beneficiario destas axudas as agrupacións de solicitantes formadas por dous ou máis dos suxeitos mencionados anteriormente. Para poder aspirar a estas axudas, os proxectos que se presenten deberán incluír un ou varios termos municipais cunha poboación mínima de 20.000 habitantes, considerando tamén a poboación estacional.
 
As actuacións financiadas con cargo a estas axudas poden ser de tres tipos:
 
  • Tipo A: Planificación. Consistirán na elaboración, actualización ou mellora de estratexias, plans, redacción de proxectos construtivos ou estudos que promovan o cumprimento da normativa sectorial asociada e que promova a mellora da eficiencia do ciclo urbano da auga e a adaptación ao cambio climático en calquera ámbito territorial que dea servizo aos termos municipais incluídos na proposta presentada.
  • Tipo B: Inclúen a mellora da eficiencia e dixitalización do ciclo urbano da auga.
  • Tipo C: Suporán o desenvolvemento ou mellora de plataformas, portais web ou sistemas de información e ferramentas dixitais sobre o ciclo urbano da auga.
 
O orzamento desta convocatoria ascende a un total de 50 millóns de €, ampliable ata 100 millóns de €. Este importe adicional destinarase á resolución de solicitudes presentadas en prazo, sen que iso implique a apertura de prazo para presentar novas solicitudes nin o inicio de novo cómputo de prazo para resolver.
 
O prazo de presentación de solicitudes abarca desde o 23 de decembro de 2024 ao 5 de febreiro de 2025
 
Tanto na primeira convocatoria como na segunda convocatoria adxudicouse o 100% do orzamento. Entre os adxudicatarios encóntranse as seguintes entidades galegas:
 
Primeira Convocatoria: as entidades galegas recibiron 14.726.546 €, o que supón 7,36% do total. O detalle dos beneficiarios e os importes percibidos é o que se indica a continuación:
 

NIF

Benefiario

Proyecto

Total concedido (€)

A32390684

Aquaourense Sociedad Provincial de Augas e Medio Ambiente SA

OU-Intelixente: Provincia da Agua

7.754.519

B15026693

Espina y Delfín S.L.

Automatización e dixitalización do ciclo da agua nos Concellos de Cartelle, Cerceda, Coirós, Leiro, Negreira, Palas de Rei, Sarria, Vilagarcía de Arousa y Vilanova de Arousa

6.972.027

TOTAL

14.726.546

 

Segunda convocatoria: as entidades galegas recibiron 16.247.013 €, o que representa un 5,57% do total. O detalle dos beneficiarios e os importes percibidos é o que se indica a continuación:

 

NIF

Benefiario

Proyecto

Total concedido (€)

P1500200I

Concello de Ames

Ames Digital Water

1.131.309,77 €

P3205500F

Concello de Ourense

Ourense termal, verde e dixital

4.297.591,00 €

S3600054E

Consorcio para a Xestión do Ciclo Urbano da Auga de Louro

Proxecto para a mellora da eficiencia e dixitalización do ciclo urbano da auga no Consorcio de Aguas de Louro

4.719.912

N/A

Agrupación de los ayuntamientos de A Cañiza, Melón, Mondariz, Mondariz Balneario, O Carballiño y Maside

Proxecto integral de dixitalización do ciclo integral da auga nos concellos  de A Cañiza, Melón, Mondariz, Mondariz Balneario, O Carballiño y Maside

4.809.630

A16965832

Servizos Urbanos Municipais de Arteixo, S.A.

Arteixo/Sumagua_2025

1.288.570

TOTAL

16.247.013

 

Adicionalmente, e no marco do PERTE de dixitalización do ciclo da auga, lanzáronse dúas convocatorias para a dixitalización de comunidades de usuarios de auga para regadío. No que respecta á primeira, dotada cun orzamento de 100 millóns €, resolvéronse provisionalmente un total de 74.148.403 €, sendo beneficiarias un total de 125 entidades, entre as cales hai dúas beneficiarias galegas, que reciben un total de 461.417 €:

 

NIF

Benefiario

Proyecto

Total concedido (€)

G32304180

Comunidad de Regantes de Antioquia

Transformación diXital da Comunidade de regantes de Antioquía

278.135

V32123606

Comunidad de Regantes de Antela

Perte: Dixitalización do ciclo da auga na Comunidade de regantes da Lagoa de Antela en Xinzo de Limia

183.282

TOTAL

461.417

 

En canto á segunda convocatoria, dotada cun orzamento de 100 millóns de €, o prazo de presentación de solicitudes finaliza o próximo 22 de xaneiro de 2025.

Ligazóns