O día 10 de abril de 2025 publicouse no DOG, a Orde do 2 de abril de 2025, pola que amplíase o crédito existente para a concesión das axudas previstas na Orde do 30 de marzo de 2022, pola que convocanse subvencións para a transformación de frotas de transporte de viaxeiros e mercadorías das empresas privadas prestadoras de servizos de transporte por estrada, así como das empresas que realizan transporte privado complementario, no marco do compoñenete 1 do Plan de Transformación, Recuperación e Resiliencia, financiado pola Unión Europea-NextGenerationEU, xestionado polol Ministerio de Transportes, Movilidad y Agenda Urbana para os anos 2022, 2023 e 2024 (códigos de procedemiento IF318B, IF318C, IF318D, IF318E e IF318F).

A finalidade desta orde é convocar axudas na Comunidade Autónoma de Galicia, en desenvolvemento das bases reguladoras recollidas no Real decreto 983/2021, do 16 de novembro, polo que se aproba a concesión directa ás comunidades autónomas e ás cidades de Ceuta e Melilla de axudas para a transformación de frotas de transporte de viaxeiros e mercadorías de empresas privadas que presten servizos de transporte por estrada, así como de empresas que realicen transporte privado complementario, no marco do Plan de Transformación e Resiliencia. Esta liña de financiamento está incluída no PERTE ERHA.

Este programa de incentivos busca acelerar os investimentos clave na sustentabilidade do transporte, impulsando melloras no sector. Deste xeito, preténdese promover a descarbonización e mellorar a calidade do aire nas cidades mediante a renovación das flotas de vehículos.

Inicialmente, a CCAA de Galicia tiña un orzamento inicial de 12.433.885 €. Este orzamento foi ampliado en tres ocasións, tras varias modificacións, ata acadar o importe total orzamentado de 29.901.760 €.

Con esta nova ampliación, pretendese ampliar o importe total do crédito das axudas establecidas por un importe de 4.005.992 €. O 3% do importe, 120.180 €, destinarase a custos indirectos (2025.05.08.512A.640.0), polo que o saldo restante, 3.885.813 €, xerarase na aplicación orzamentaria 2025.05.08.512A, do orzamento de gastos da Consellería de Presidencia, Xustiza e Deportes para o ano 2025.

O incremento orzamentario destinarase a cubrir a lista de espera existente que, comezando polas solicitudes presentadas con posterioridade ao 15 de marzo de 2024, abrangue as cinco actividades incluídas na convocatoria.

Unha vez realizado o incremento, o importe total destas axudas ascende a 34.832.549 €.