O Ministerio de Política Territorial resolveu a concesión de 149 millóns de euros para subvencionar proxectos de dixitalización das entidades locais, da convocatoria de 2022, con cargo ao PRTR, financiado pola Unión Europea-NextGenerationEU. Esta convocatoria, para municipios con poboación entre 20.000 e 50.000 habitantes, diputacións forais e provincias, cabildos, consellos insulares, Ceuta e Melilla e comunidades autónomas uniprovinciais, iniciou o seu prazo de presentación de solicitudes no pasado agosto, no que as entidades locais puideron presentar os seus proxectos de dixitalización, destinados a acercar a Administración local ós cidadáns e facilitar os trámites con propostas innovadoras que melloren a prestación dos servizos públicos, finalizando o prazo a finais do 2022. Os criterios de asignación das axudas consensuáronse coas entidades locais, a través da Comisión Nacional de Administración Local (CNAL) e da Federación Española de Municipios y Provincias (FEMP). Un total de 265 concellos, con poboación entre 20.000 e 50.000 habitantes, estaban chamados a presentar os seus proxectos nesta convocatoria, así como 60 diputacións provincias, cabildos, consellos insulares, cidades autónomas de Ceuta e Melilla ou comunidades autónomas uniprovinciais. Entre as prioridades das subvencións presentadas para a modernización e dixitalización das entidades locais figuran a mellora da accesibilidade dos servizos públicos dixitais a cidadáns e empresas; reducción da fenda dixital; mellora da eficiencia e eficacia dos empregados públicos; reutilización dos servizos e solución dixitais construidas; ou a utilización activa das tecnoloxías emerxentes no despregue de novos servizos dixitais (chatbots, automatización e robotización, plataformas, etc.). Entre os beneficiarios hai 19 entidades locais galegas, as cales obtiveron un total de 13.473.635 €, o que representa un 9% sobre o total concedido. As Deputacións provinciais de Lugo e A Coruña, son as entidades que obtiveron un importe maior de axuda, recibindo cada unha delas máis de 3 millóns de euros.