O Ministerio para a Transición Ecolóxica e o Reto Demográfico anunciou a apertura dunha consulta pública previa á convocatoria de subvencións para o impulso da economía circular no sector textil, da moda e confección e do calzado para o ano 2023. A convocatoria enmárcase dentro do PERTE de Economía circular do Plan de Recuperación, Transformación e Resiliencia e ten como obxectivo impulsar a economía circular no sector textil, da moda e confección e do calzado. Durante o prazo de 7 días naturais, os potenciais afectados polo texto da convocatoria, en virtude do artigo 26.2 da Lei 50/1997, de 27 de novembro, do Goberno, poderán emitir a súa opinión acerca da convocatoria de subvencións enmarcadas no Plan de Recuperación, Transformación e Resiliencia. O prazo para remitir suxerencias comeza o 12 de abril de 2023 e finaliza o 21 de abril de 2023, ambos inclusive.