O Ministerio para a Transición Ecolóxica e o Reto Demográfico lanza a segunda edición do Programa de incentivos a proxectos pioneiros e singulares de hidróxeno renovable (H2 Pioneros II), publicada no Boletín Oficial do Estado. Esta convocatoria está dotada con 150 millóns de euros para incentivar a posta en marcha de proxectos innovadores con viabilidade comercial de producción e consumo local de hidróxeno renovable, especialmente nos sectores donde a descarbonización é máis difícil, como a industria ou a mobilidade pesada. Aberta entre o 1 de xuño e o 31 de xullo, a convocatoria está integrada no PERTE de Enerxías Renovables, Hidróxeno Renovable e Almacenamento (PERTE ERHA), do PRTR. H2 Pioneros II busca a continuidade á primeira fase, tras o éxito da convocatoria alcanzado. Igualmente dotada con 150 millóns, esta primeira convocatoria resolvéuse o pasado mes de abril coa adxudicación de incentivos a 19 proxectos radicados en 9 comunidades autónomas, nove dos cales se ubicaban en zonas de Transición Xusta e/ou Reto Demográfico. O Instituto para a Diversificación e Aforro da Enerxía (IDAE) xestionará de novo estas axudas. Outorgaranse en réxime de concorrencia competitiva e apoiarán iniciativas que combinen producción, distribución e uso do hidróxeno nunha mesma ubicación territorial, sempre que se orienten ao despregamento de aplicacións comerciais e cuxo principal valor resida na integración das distintas fases da cadea de valor.