O Consello de Ministros, a petición do Ministerio para a Transición Ecolóxica e o Reto Demográfico (MITECO), aprobou un Real Decreto que impulsa o vehículo eléctrico, ao reforzar o marco de concesión das axudas do Programa de incentivos ligados á mobilidade eléctrica (Moves III). Agora tamén poderán solicitarse fondos do Moves III ao adquirir un vehículo seminovo, como os usados polas empresas de alquiler. Adicionalmente, o tamaño das flotas de automóbiles que poden recibir o apoio económico sube desde os 50 automóbiles ata os 250 automóbiles. O Moves III é un programa de axudas para desenvolver a mobilidade eléctrica enmarcado no Plan de Recuperación, Transformación e Resiliencia (PRTR) xestionado polo Instituto para a Diversificación e o Aforro (IDAE), organismo adscrito ó MITECO. Está dotado con 1.200 millóns de euros – ampliouse en 400 millóns o pasado mes de decembro-, dos cales xa se transferiron 876 millóns ás comunidades autónomas, responsables do seu reparto final.