O pasado venres 13 de decembro publicábase no BOE o anuncio do Ministerio de Transportes e Mobilidade Sostible sobre a Orde Ministerial de concesión das axudas da segunda convocatoria do Programa de Eco-incentivo para o impulso do transporte ferroviario, que supoñía a resolución definitiva da segunda convocatoria de axudas do Programa Eco Incentivo Ferroviario, que subvencionaba os tráficos de mercadorías realizados entre o 1 de xaneiro e o 31 de decembro de 2023.

A relación de empresas beneficiarias e importes percibidos é a que a continuación se detalla:

O ano pasado, estas empresas moveron un total de 4.353 millóns de toneladas netas por quilómetro, percorrendo un total de 9,7 millóns de quilómetros. De toda a carga transportada, o 86% subvenciónase agora coas axudas do eco-incentivo: un total de 3.762 millóns de toneladas netas por quilómetro transportadas ao longo de 6 millóns de quilómetros da rede ferroviaria de interese xeral.

O obxectivo das subvencións é contribuír a impulsar o tráfico de mercadorías por ferrocarril, mellorar o desempeño ambiental da actividade e reequilibrar o reparto modal para incrementar o peso do tren, que ocupa menos do 5% do total de mercadorías transportadas en España e emite 12 veces menos emisións directas de gases en tramos non urbanos. O pasado 6 de decembro publicouse a terceira convocatoria deste programa, dispoñendo dunha asignación inicial de 23,5 millóns de € para os tráficos realizados entre o 1 de xaneiro e o 31 de decembro de 2024. O pazo de presentación de solicitudes desta convocatoria comezará o 1 de febreiro de 2025 e finalizará o 31 de marzo do mesmo ano.