O Ministerio de Transportes e Mobilidade Sostible abriu unha nova convocatoria de axudas a empresas privadas e públicas para descarbonizar o transporte de mercadorías e promover unha loxística eficiente.

A convocatoria realízase en réxime de concorrencia competitiva e conta cun orzamento máximo de ata 87 millóns de €. Nesta primeira fase, conta cun orzamento inicial duns 17 millóns de € que se poden incrementar en 70 millóns de € máis, en función da demanda e da dispoñibilidade orzamentaria. A axuda está financiada con cargo aos fondos europeos NextGenerationEU do Plan de Recuperación, no marco do Programa de Apoio ao Transporte Sostible e Dixital.

Os potenciais beneficiarios son empresas públicas e privadas con actividade relacionada co transporte e as infraestruturas e dispoñen dun prazo de 25 días hábiles para presentar as solicitudes de axuda a partir do día hábil seguinte ao da súa publicación no Boletín Oficial del Estado (BOE). Así, as empresas teñen ata o 2 de decembro de 2024 para participar a través da sede electrónica da Consellería.

As axudas divídense en cinco liñas: interoperabilidade ferroviaria; fomento da intermodalidade do transporte; transporte por estrada, seguro, sostible e conectado; sostibilidade do transporte marítimo; e dixitalización do transporte.

Os potenciais beneficiarios poderán obter axudas para financiar entre o 30% e o 50% como máximo dos custos de cada proxecto, debendo estar efectivamente implantadas as actuacións antes do 31 de marzo de 2026.