O Ministerio de Transportes e Mobilidade Sostible está a levar a cabo as obras de rehabilitación da ponte de Pontedeume, situada no quilómetro 20,6 da estrada N-651 sobre a ría de Ares, na provincia da Coruña. Estas obras teñen un orzamento de 6.769.704,88 euros (IVE incluído) e están financiadas polo Plan de Recuperación, Transformación e Resiliencia (PRTR).

O contrato de obras abarca diversas intervencións, como o recoñecemento e reforzo da cimentación da ponte, a substitución e ampliación do taboleiro con ensanche da plataforma, e o saneamento dos paramentos. Ademais, levaranse a cabo traballos para reurbanizar a contorna da ponte, incluíndo a construción de beirarrúas en ambos lados da estrada, a instalación de novos sistemas de drenaxe, pretiles e alumeado público.

O contrato enmárcase no Investimento 1 do Compoñente do Plan de Recuperación, Transformación e Resiliencia, e foi adxudicado a Ferrovial por un importe de 5.594.797€ (IVE excluído).