O Ministerio de Transportes e Mobilidade Sostible sacou a licitación tres contratos por 32,8 millóns de € (IVE incluído) para reutilizar e fabricar pavimentos sostibles cos que renovar os firmes da Rede de Estradas do Estado e reforzar así as condicións de circulación e a seguridade viaria, ao tempo que se avanza co obxectivo de reducir a pegada ambiental. Esta iniciativa responde ao obxectivo do Ministerio de descarbonizar e promover a sustentabilidade da rede viaria.

Trátase dunha novidosa iniciativa para renovar, nesta primeira fase, o firme de 114 km de estradas en Castilla y León, Murcia, Galicia, Asturias, La Rioja, Aragón y Cantabria con materiais reutilizados e sostibles.

Os contratos enmárcanse no programa EFAPAVES, (Pavimentos Asfálticos Eficientes, por sus siglas en inglés), un proxecto integral que busca mellorar a seguridade viaria, garantir a durabilidade das infraestruturas e reducir a pegada ambiental do sector do transporte en consonancia cos obxectivos de descarbonización e sustentabilidade promovida polo Ministerio de Transportes e Mobilidade Sostible.

Os contratos son mixtos, polo que inclúen a redacción do proxecto construtivo e a propia execución da obra, e licitaronse por lotes a través de 3 subprogramas para realizar ata 13 actuacións nun total de 114 quilómetros de diferentes vías da Rede de Estradas do Estado, das cales 93 corresponden a estradas convencionais mentres que 21 quilómetros son tramos de autovía.

As actuacións fináncianse a través do Plan de Recuperación, Transformación e Resiliencia, dentro do apartado de “Sostibilidade, eficiencia enerxética e acción contra o ruído”, e contribúe directamente aos obxectivos de descarbonización e modernización da rede viaria española, garantindo unha mobilidade máis segura e respetuosa co medio ambiente ao longo prazo.