O ministro de Industria e Turismo, Jordi Hereu, anunciou que dende que se abriu a convocatoria da liña 1 das axudas PERTE á descarbonización industrial xa se presentaron máis de 100 solicitudes, o que demostra "a boa acollida que está a ter este programa entre empresas". O anuncio fíxose durante a clausura do simposio 'Estratexia Cero Emisión Netas. Por unha industria Competitiva e Sostible', organizado pola Fundación para a Sostibilidade Enerxética e Ambiental (Funseam) de Barcelona. A esta primeira convocatoria seguiralle unha segunda convocatoria da liña 1 ao longo do segundo semestre de 2024, cun total de 370 millóns en subvencións e 1.000 en préstamos, cuxos proxectos poderán executarse máis aló do ano 2026. Ademais, engadiu que tamén están traballando na liña 4 deste PERTE, para o financiamento de novas instalacións de fabricación altamente eficientes e descarbonizadas, que estarán dotadas con 150 millóns de euros en subvencións e 100 millóns en préstamos.