Atrás

Transportes, Mobilidade e Axenda Urbana abre o prazo para solicitar axudas da primeira convocatoria do Eco-incentivo marítimo

Atrás
31/03/2023

Transportes, Mobilidade e Axenda Urbana abre o prazo para solicitar axudas da primeira convocatoria do Eco-incentivo marítimo

O Ministerio de Transportes, Mobilidade e Axenda Urbana (Mitma) abriu o prazo para solicitar as axudas da primeira convocatoria do programa de eco-incentivos marítimos destinado a transportistas, cargadores e operadores de transporte que integrasen a vía marítima nas súas rutas como alternativa á estrada. Esta primeira convocatoria, aberta o 19 de setembro de 2022, conta cun orzamento de 20 millóns de euros con cargo aos fondos europeos NextGenerationEU e está dirixido a empresas e autónomos establecidos na Unión Europea. O eco-incentivo poderase pedir de forma telemática a través da sede electrónica de Mitma a partir do 1 de abril e ata as 12.00 horas do 30 de xuño de 2023. Os potenciais beneficiarios deberán embarcar, entre o 20 de setembro de 2022 e o 31 de marzo de 2023, os seus semirremolques, remolques ou vehículos pesados ríxidos nun buque ro-ro ou ro-pax, en lugar de utilizar exclusivamente a estrada para trasladar a mercancía ó seu destino final nas rutas subvencionables establecidas coas navieiras colaboradoras do programa. Os transportistas terán ata o 30 de xuño de 2023 para presentar as solicitudes correspondentes aos tráficos realizados entre o 20 de setembro de 2022 e o 31 de marzo de 2023.