Estás en:
Ciencia anuncia a ampliación do prazo de execución dos Plans Complementarios
Ciencia anuncia a ampliación do prazo de execución dos Plans Complementarios
A ministra de Ciencia, Innovación e Universidades, na reunión do Consello de Política Científica, Tecnolóxica e de Innovación (CPCTI) do pasado xoves 7 de setembro de 2024, anunciou a modificación dos Reais Decretos de concesión directa dos Plans Complementarios, co obxectivo de estender en 3 meses o prazo de execución inicial dos mesmos, concretamente até o 31 de decembro de 2025.
Os Plans Complementarios constitúen unha ferramenta de colaboración entre a Administración Central, as Comunidades Autónomas e os Fondos Europeos, posibilitando a posta en marcha de programas de investigación en áreas estratéxicas. No seu conxunto, mobilizan un total de 466 millóns de € e neles participan 337 entidades, levando a cabo un total de 994 proxectos. En xuño de 2024, a porcentaxe global de execución dos mesmos era do 45,7%, o que representaba 213,1 millóns de €.
No caso concreto da Comunidade Autónoma de Galicia, esta participa na actualidade nos Plans Complementarios de Biotecnoloxía aplicada á Saúde, Ciencias Mariñas e Comunicación Cuántica, sendo beneficiaria dun total de 14.160.904€. Esta contía desglósase do seguinte xeito:
- Plan Complementario Comunicación Cuántica:
| CIF | Beneficiario | Importe concedido (€) |
| G15852981 | Centro de Supercomputación de Galicia | 991.877 |
| Q6550005J | Universidade da Coruña | 49.159 |
| Q1518001A | Universidade de Santiago de Compostela | 215.667 |
| Q8650002B | Universidade de Vigo | 4.954.201 |
| TOTAL CONCEDIDO | 6.210.904 | |
- Plan Complementario Biotecnoloxía aplicada á saúde:
| CIF | Beneficiario | Importe concedido (€) |
| G36885853 | Fundación CETMAR | 831.315 |
| Q2818002D | Axencia Estatal Consello Superior de Investigacións Científicas | 2.804.546 |
| G15852981 | Centro de Supercomputación de Galicia | 274.927 |
|
| Instituto Tecnolóxico para o Control do Medio | 13.935 |
| Q6550005J | Universidade de A Coruña | 271.075 |
| Q1518001A | Universidade de Santiago de Compostela | 547.518 |
| Q8650002B | Universidade de Vigo | 1.256.684 |
| TOTAL CONCEDIDO | 6.000.000 | |
- Plan Complementario Ciencias Mariñas:
| CIF | Beneficiario | Importe concedido (€) |
| G36911972 | Fundación Biomédica Galicia Sur | 120.600 |
| G15796683 | Fundación Instituto de Investigación Sanitaria de Santiago de Compostela | 120.600 |
| G70477559 | Fundación Kertor | 1.513.200 |
| G15335219 | Fundación Profesor Novoa Santos | 120.600 |
| Q6550005J | Universidade de A Coruña | 25.000 |
| Q1518001A | Universidade de Santiago de Compostela | 25.000 |
| Q8650002B | Universidade de Vigo | 25.000 |
| TOTAL CONCEDIDO | 1.950.000 | |