O Ministerio para a Transición Ecolóxica e o Reto Demográfico publicou o 16 de xuño de 2026, a través do IDAE, a proposta de Resolución provisional bis da Segunda Convocatoria de axudas para proxectos innovadores de almacenamento enerxético mediante bombeo reversible (Programa BORALMAC II) no marco do PERTE ERHA. 

Segundo a convocatoria publicada o 23 de decembro de 2025, cuxo prazo de presentación de solicitudes rematou o 26 de febreiro de 2026, o orzamento máximo establécese en 165.000.000 €. O 6 de maio seleccionáranse provisionalmente 7 entidades que obtiveron 165.000.000 €. Entre os beneficiarios había dúas entidades galegas ás que se lles propoñía un total de 78.012.181 € (un 47,28 % do total concedido a nivel estatal). 

Tras a revisión da documentación achegada con posterioridade á publicación da proposta de resolución provisional, identificáronse discrepancias na información presentada polos solicitantes, derivadas de variacións no estado dos permisos de acceso e conexión á rede. Así mesmo, detectouse unha errata na intensidade de axuda consignada nun dos expedientes. En consecuencia, o IDAE procedeu á publicación dunha nova proposta de resolución provisional BIS o pasado 11 de xuño de 2026, na que se seleccionaron 7 beneficiarios aos que se lles concederon 165.000.000 €. 

Entre os beneficiarios hai unha entidade galega que obtivo 30.012.181 € (un 18,19 % do total concedido). O detalle das entidades e dos proxectos beneficiarios é o seguinte (resaltouse en azul o correspondente a Galicia): 

Nesta nova proposta de resolución provisional bis, en comparación coa anterior, desestímase a solicitude do proxecto galego de NATURGY RENOVABLES S.L. “Central Hidroeléctrica Reversible de Belesar III”, ao que se lle propuxera unha axuda de 48 millóns de €, debido a que excede o límite orzamentario da convocatoria. Así mesmo, incorporouse un novo proxecto na lista provisional, “Central Hidroeléctrica Reversible Dehesa de Ganaderos”, ao que se lle propón unha axuda de 5,93 millóns de €.