A Consellería de Presidencia, Xustiza e Deportes publicou, en data de 24 de xaneiro de 2025, a través da Dirección Xeral de Mobilidade, as subvencións concedidas do 1 de outubro ao 31 de decembro de 2024 ao amparo da Orde do 30 de marzo de 2022 pola que se establecen as bases reguladoras para a concesión de axudas para a transformación de frotas de transporte de viaxeiros e mercadorías de empresas privadas prestadoras de servizos de transporte por estrada, así como de empresas que realicen transporte privado complementario, no marco do compoñente 1 do Plan de recuperación, transformación e resiliencia, financiado pola Unión Europea-NextGenerationEU, xestionado polo Ministerio de Transportes, Mobilidade e Axenda Urbana para os anos 2022, 2023 e 2024.

A convocatoria, publicada no DOG do 1 de abril de 2022 e cuxa crédito foi redistribuído por medio da Orde do 24 de outubro de 2024, pola que se establecen criterios para a redistribución do crédito entre as actividades previstas inicialmente na Orde do 30 de marzo de 2022, conta cun orzamento total de 30.826.557 €; grazas aos 1.318.117 € adicionais recollidos na orde, destinados á cobertura da lista de espera das solicitudes presentadas desde o 15 de marzo de 2024. O prazo de presentación de solicitudes continúa aberto e finaliza o 4 de xuño de 2026.

Resolvéronse un total de 6.927.360 €, sendo seleccionados 256 beneficiarios, dos cales 252 corresponden coa actividade de achatarramento, recibindo un total de 4.379.000 €. Pola súa banda, e en canto á liña de adquisición de vehículos de enerxías alternativas baixas en carbono, seleccionáronse 4 beneficiarios, recibindo un total de 2.548.360 €.

A distribución do orzamento por liña de actividade e provincia resulta da seguinte maneira:

• Actividade 1: Achatarramento

• Actividad 2: Adquisición de vehículos de enerxías alternativas baixas en carbono

Ademais, na resolución indícanse os importes correspondentes á renuncia ou perda de dereitos por solicitude de beneficiarios de convocatorias anteriores. En total, 21 entidades devolveron, en conxunto, a cuantía de 259.500€. A continuación, desglósase a relación de empresas e importes de renuncia ou perda de dereito por solicitude: